Өзбекстандын Кашка-Дарыя облусунун Касбий районунда жаштар союзунун райондук бөлүмүнүнүн 24 жаштагы жетекчиси принтерге акча басып чыгарган. Бул тууралуу өзбек басылмалары жазып чыгышты.

Маалыматта, ал тигүү цехин ижарага алган. Анан ноутбук алып, Epson үлгүсүндөгү принтерге акча басып чыгара баштаган. Жалпысынан ал 50 миң сумдук 172 купюра басып чыгарууга жетишкен. Андан тышкары, 50 миң сумдук 84 купюра басып чыгарууга даяр болгон.

Жаштар союзунун Касбий райондук бөлүмүнүн жетекчиси укук коргоо органдары тарабынан кармалды. Ага карата Өзбекстандын Кылмыш-жаза кодексинин тийиштүү беренелери боюнча кылмыш иши козголду.

Булак: NazarNews.kg