Республикадагы иштеп жатышкан фермерлер, саан уйларды жана букаларды тандаганда көбүнчө эң жогорку лактациясы боюнча тандашат. Бирок, мындай ыкманын эффектүүлүгү жакшы натыйжа бербей тургандыгы аныкталды. Бул тууралуу Айыл чарба, тамак-аш  өнөр жайы жана мелиорация министрлиги билдирди.

Маалыматка караганда, кыргыз айыл чарба жана жайыт илим-изилдөө институнун окумуштуулары, бул ыкманы 2019-жылдын 3-сентябрында, "Сүт жана эт багытындагы уйларды жана асыл-тукум букаларды тандоо ыкмалары" деген аталыш менен "Кыргыз патент" ишканасынан каттоодон өткөргөн.

Эң негизги максаты уй чарбасында иштеп жатышкан зоотехниктерге жана фермерлерге өздөрүнүн иштеринде колдонууга мүмкүнчүлүк берет.

Ыкманын негизинде 95%га чейин букалардын генетикасы күчтүү тукум алууга болору аныкталды. Ошону менен бирге бул ишти аткаруу үчүн чарбаларда уйлардын продуктуулугун аныктай турган эсеп учету жүргүзүлүшү зарыл.

Булак: NazarNews.kg