Маалыматка караганда, 9-май күнү Ош шаарындагы Жеңиш майрамына арналган митинг-реквиемде Ош шаарынын прокурору Кубат Абдраимов прокуратура кызматынын баш кийимин эмес, калпак кийип алган. Мындан улам Башкы прокуратура Кубат Абдраимовго сөгүш берген.

Кубат Абдраимов өзү бул маалымат тууралуу кабары жоктугун айтып: «Байкабай калыптырмын. Ошол күнү суук болуп жатпады беле. Сыртымдан калың кийинип алгам. Барсам, салтанат башталып кетиптир. Ошол бойдон иш-чарага катышкам», - деди ал.

Прокурордун сүрөтү интернет желесине тарагандан кийин колдонуучулардын арасында талкуу жараткан. Айрымдары туура эле, башкалары кызматтык этика сакталышы керек деген ой-пикирлери менен бөлүшкөн.

Булак: NazarNews.org