Туристтик милицияга МАИнин да укуктары берилди
Коом  |   |  723

Туристтик милиция жөө адамдар менен айдоочуларга айып сала алат. Бул тууралуу Бишкек ШИИББинин маалымат кызматы билдирди.

“Эми, Туристтик милиция Бишкек шаардык милициясынын Кайгуул кызматы башкармалыгынын курамына кирди. Буга байланыштуу Туристтик милициянын укугу кеңейип,  эми жол эрежесин бузган айдоочуларга айып сала алат. Учурда бул милициянын курамында 30 кызматкер бар, дагы 30 кишини кызматка алуу пландалууда.

Туристтик милиция бир чакырым аралыкта жөө иштейт. Алардын укугу эми Милициянын кайгуул кызматы башкармалыгында иштегендер менен теңелди, алар да коопсуздукту камсыздайт”, -деп айтылат билдирүүдө.

Учурда Милициянын кайгуул кызматы башкармалыгындагы ар бир экипажда төрт кишиден бар. Экөө машина менен 5-7 чакырым радиуста иштесе, экөө жөө басат. Аларга да маалыматты Туристтик милициядагыдай эле зарыл болгон учурда командалык борбор берет.

Булак: NazarNews.kg

Поделитесь с друзьями