«Бейөкмөт уюмдарынын ассоциациясынын» төрайымы, укук коргоочу Токтайым Үметалиева эжекебиз жакында эле Европанын Варшава шаарында ОБСЕ уюштурган иш чарага катышып, анда Кыргызстандагы саясий куугунтуктар боюнча доклад жасады.

Ошол докладтын негизинде Токтайым Уметалиева карапайым калк арасындагы айрым укук бузуу фактыларын көтөрбөй, Сапар Исаков, Өмүрбек Текебаев, Өмүрбек Бабанов сыяктуу капчыгы калыңдардын тагдыры туурасында сөз кылыптыр.

Эң кызыгы, Токтайым Уметалиева эжебиз жердеши Өмүрбек Бабанов мырзанын тагдырына чындап күйгөнбү, же Европага берып келүүсүнө сарпталган акча каражатын актайын дегенби түшүнүксүз.

Ушул темп менен жүрүп отурса укук коргоочулардын иши бизнеске айланып бараткандай таасир калтырат экен.

Булак: NazarNews.kg