“Мамлекеттик жардамды айрымдар партиялардын атынан берип жатышат”,-деп депутат Урматбек Самаев бүгүн, 30-апрелде Жогорку Кеңештин жыйынында билдирди.

Депутат бул маселени көзөмөлгө алуу керектигин айтып, жакында жергиликтүү кеңешке шайлоолор өтө турганын эскертти.

Ошону менен катар эле Токмокто жашап, бирок башка жакта катталгандарга жардам берилбей жатканын айтты.

Премьер-министр Мухаммедкалый Абылгазиев каттоосуна карап жардам таратылбай турганын айтты.

Азыркы тапта Жогорку Кеңештин жыйынында коронавируска каршы күрөшүү боюнча аткарылып жаткан иштер тууралуу өкмөт маалымат берип жатат.

Булак: NazarNews.kg