9-кабаттан учуп кеткен россиялык кыз үйүлүп турган кардын үстүнө түшүп,  аман калды. Бул тууралуу орус маалымат булактары жазып чыкты.

Маалыматка караганда,  Россиянын Нижневартовск районундагы Излучинск айылында 9-кабатта жайгашкан үйдүн терезесинен кулап түшкөн кыз аман калган. Кыздын кулап  бара жаткандагы учуру, кошуна жайгашкан көп кабаттуу үйдүн сырттындагы  көзөмөл камерасына  жазылып калган.

Видоедо көрүнүп тургандай, жабырлануучу кар күрткүнүн үстүнө катуу эле кулаганын байкоого болот. Бирок,  кыз бир нече секунддан кийин ордунан туруп басып кеткен.

Бул окуяга күбө болгон  кошуналар,  анын терезеге өзү чыгып алгандыгын  жана  “Тез жардам” кызматын чакырышканын билдирген.

Ал эми, ушул тапта 27 жаштагы бейтап жандандыруу бөлүмүнө жаткырылган. Дарыгерлер анын абалын орточо оор экенин айтышууда.

  Булак: NazarNews.kg