Казак шоу-бизнесинин ажарлуу ырчы айымы, балерина жана эл сүйгөн ырчы Айгерим Калаубаева бүгүн бизде мейманда.

- Салам, Айгерим! Чыгармачылыгыңызда эмне жаңылыктар болууда?

- Мен абдан кубанычтамын сиздер менен амандашып жатканыма. Кыргызстанга менден жалындуу салам. Сиздерди өлкөдө болгон эмесмин бирок, сиздерге барып талантымды көрсөтүү кыялымда бар. Ал эми чыгармачылыгымда көптөгөн жаңылыктар бар. Былтыркы жылдан тарта тынымсыз иштеп, бир нече эмгектеримди элиме тартууладым.

- Кыргыз ырчыларынын ырларын угасызбы?

- Ооба, сөзсүз түрдө. Кыргыз ырчылары нукуралыкты сактаган, эл сүйүп уккан хит ырларды көп ырдашат. Кыргыз ырчыларын тааныбасам да, социалдык тармактардан угуп турам. Мага кыргыз ырчыларынан Нурлан Насиптин чыгармачылыгы жагат. Керемет ырларды аткарат. Ал ырларынын баардыгын өз жазаарын, композитор экенин мындан эки жыл мурун билдим. Абдан жаш болсо да, бир нече хиттерди жаратып коюптур. Бул жакта биз сүйүп угуп жүргөн хит ырлар Нурлан Насиптики экенин билип, таң бердим. Азамат жигит экен. Нурланды Казакстандагы бир премияда көрүп, кесиптештерим аркылуу таанышып калганбыз. Нурландын репертуарындагы ырлары жагып, алардын бирин аткарып чыгуу кыялымда болууда.

- Сиз аткарган ырлар ар түрдүү жанрда экенин билебиз. Ырларды кантип тандайсыз?

- Мен бир гана стилде ырдаганды жактыра бербейм. Сахнада көп убакыттан бери жүрсөм да, өзүмдүн стилимди толугу менен таба элекмин. Ар дайым изденип жүрүүнү жактырам.

- Мыкты бийлээриңизди да жакшы билебиз. Балет мектебин бүтүргөнсүзбү?

- Ооба, бийдин балет жанры боюнча жогорку билимди алгам. Кичине кезимден бийге кызыкканымдан, ата-энемдин тандоосу менен балетке барып ийгиликтүү бүтүрүүчү болгом. Ар бир ырчы үчүн бий менен алек болгон абдан жакшы. Себеби, бийди жакшы өздөштүрсөң сахнада өзүңдү эркин алып мыкты бийлейсиң.

- Кыргызстанга качан келип талантыңызды тартуулайсыз?

- Бишкекке барып кайтуу планымда бар. Ал жакка өзүмдүн кесибим болгон чыгармачылык менен барам. Бир нече композиторлор менен таанышып, кызматташсам деген тилектер бар.

Аруужан Булекбаева, NazarNews.kg