Бишкек шаарындагы “Ынтымак” жаңы конушунда мыйзамсыз күйүүчү май сатуу пункту табылды. Бул тууралуу Экономикалык кылмыштар менен күрөшүү боюнча мамлекеттик кызматы билдирди. 

Маалыматка ылайык, аталган жерде уруксат документи жок 2 тонна дизелдик май табылган. Азыркы тапта мыйзамсыз түрдө сатылып жаткан күйүүчү май кайсы жакта өндүрүлгөнү териштирилип жатат. 

Буга чейин Сокулук районунун Маевка айылында мыйзамсыз иштеп жаткан  май куючу жай табылган. 

Каржы полициясы эгер күйүүчү май мыйзамсыз өндүрүлүп же сатып жаткан тууралуу кандайдыр бир маалымат билгендер болсо төмөнкү номерлерге кабарлоону суранат:
0312 32 30 91, 0312 32 37 07