Ирандык журналист Масих Алинежад Твиттердеги баракчасына өспүрүм кыздын турмушка чыгып жаткандагы видеосун жүктөп, “бул кыз мени ыйлатты”, - деп астына текст жайгаштырган. Анын айтканына караганда, кыз 13 жашка дагы чыга элек.

Бул видеотасманы миңдеген адамдар өз баракчаларында бөлүшкөн. Андан дагы көптөрү мындай салтка нааразы болгон пикирлерин комментарийде калтырып, өспүрүм кызга каалоо-тилектерин жазышкан. Коомду буга кайдыгер карабоого чакырык таштагандары дагы бар. Алардын байкоосунда, кыз узуатып жаткан ата-эненин жүзүнөн кайгыруунун изи байкалган эмес.

Булак: "NazarNews.kg"