Кыргыз-тажик жаңжалынын кесепетинен Баткен облусуна келтирилген чыгымды эсептөө боюнча комиссия түзүлдү. Бул тууралуу маалыматты Президенттин өкүлчүлүгүнүн орун басары Тулаев Мархан Каримович билдирди.

Эскерте кетсек, 16-сентябрь күнү эртең менен Кыргызстан менен Тажикстандын чек арасындагы бир нече участоктордо ок атышуу башталган. Лейлек жана Баткен райондорундагы калктуу конуштар аткылоого кабылган. Саламаттыкты сактоо министрлиги 164 адам жабыркап, 59 адам каза болгонун билдирди. Кыргыз-тажик чек арасындагы куралдуу кагылыштан улам Баткен жана Лейлек райондоруна караштуу 7 айылдын, Ош облусунун Чоң-Алай районундагы Жекенди айылынын тургундары үйлөрүн таштап кетишкен.

Кыргызстандын Башкы прокуратурасы КР Кылмыш-жаза кодексинин «Тынчтыкка каршы кылмыштар» беренеси боюнча кылмыш ишин козгоду.

Булак: NazarNews.kg