www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстан Борбор Азия өлкөлөрүнө келген чет элдик туристтер үчүн бирдиктүү туристтик виза киргизүүнү сунуштап жатат. Демилге 31-июлда Чолпон-Атада өткөн Борбор Азия лидерлеринин саммитинде көтөрүлгөн.
Адистердин айтымында, бирдиктүү виза туристтерге бир сапарда бир нече өлкөгө тоскоолдуксуз барууга шарт түзүп, туризмди жана аймактык интеграцияны күчөтөт.
2025-жылы Кыргызстанга 10 миллионго жакын турист келген. Туризм тармагына өлкөдө 129 миңдей адам тартылган.
Ошол эле жылы Борбор Азиянын туризмден тапкан кирешеси 20,1 млрд долларды түзүп, аймактын ИДӨсүнүн 4,3%ын камсыздаган. 2026-жылы бул көрсөткүч 21,7 млрд долларга жетери болжолдонууда.
Кыргызстандын Туризм агенттигинин маалыматына ылайык, 2025-жылы Өзбекстандан Кыргызстанга 6,5 млн, Казакстандан 2,5 млнго жакын турист келген.
Борбор Азиядагы туристтик агымда Өзбекстандын үлүшү 25%, Казакстандыкы 23%, Кыргызстандын үлүшү 18% түзөт.
Адистер «Борбор Азия Шенгени» ишке ашса, туристтердин агымы көбөйүп, тейлөө жана инфраструктура дагы өнүгөт деп эсептешет.
< Предыдущий
Последние новости
