Депуттар орус тилинде сүйлөгөн юстиция министрине эскертүү берди
Саясат  |   |  753

Депутат Кенжебек Бокоев парламентте орус тилинде чыгып сүйлөгөн юстиция министри Асел Чынбаевага эскертүү берди.

Ал министрлер кабинети жөнүндө конституциялык мыйзамдын долбоорун сунуштады.

Бокоев айткандай, Конституцияда президент аткаруу бийлигин да башкарат деп так жазылган.

«Жогорку Кеңеште президенттин жана өкмөттүн өкүлү бар. Бүгүнкү мыйзам долбоорунан кийин бир өкүл жетиштүү деп ойлойм, анткени аткаруу бийлигин президент башкарат», - деди ал.

Бокоев президенттин Жогорку Кеңештеги өкүлү Анарбек Калматовдон баяндамачылардын мамлекеттик тилде сүйлөшүн көзөмөлдөөнү өтүндү.

«Мен баяндамачылардын кыргыз тилинде гана сүйлөөсүн талап кылам», - деди ал.

Кийин депутат Сайдулла Нышанов эмне үчүн кыргыз тилинде салыштырма таблица жок экенин сурады. Ага эч ким жооп берген жок.

Булак: NazarNews.kg

Поделитесь с друзьями