Японияда ишкерлигин баштаган Кыргызстандык Асел Минагава биринчи кирешесине ээ болду. Бул тууралуу ал Твиттердеги жеке баракчасына жарыялаган.

Асел туура тамактануучу кафесин жаңы ачканда, бир да киши келбей ыйлаган видеосу  соцтармактарга тарап, чет элдик ЖМКлар дагы жазып чыгышкан.

«Көпчүлүк мен үчүн жана менин кафем үчүн тынчсызданып жатканын билем. Мен адамдардын көптүгүнөн бош орундук калбай калчу күндү абдан күткөм. Ушул ишемби күнү мен келген кардарларымдын бардыгын кайда отургузарымды билбей калдым, көбү бар жактагы тирөөчкө эле туруп, кофелерин ичип жатышты. Биздин негизги кардарларыбыз - биздин туруктуу конокторубуз. Алар бизге жума сайын келип жатышса, демек, бизде чындыгында эле бардыгы ойдогудай! Ушул ишемби күнү мен биринчи жолу 10 долларлык киреше таптым», - деп жазган.  

Знаю, многие из вас переживали за меня и за наше кафе. Я ждала этого момента, момента, когда людей будет очень много и не будет мест, когда все будет занято. pic.twitter.com/qQ7rTswHb6

— asel.minagawa (@AselMinagawa) January 27, 2020

«Биз эми «One Stories» (тарыхы бар адам) деп аталабыз. Бизди бириктирген нерсе мына ушул. Кайгы, көз жаш, кубаныч жана тагдыр - мунун бардыгы адамдын тарыхынын бир бөлүгү», -  дейт ал.

Ну вот мы и открыли двери нашим посетителям. Все готовилось от всего сердца, продукты высококачественные, все по-домашнему. Приходите друзья, посмотреть на человека, который смог осуществить свою мечту! pic.twitter.com/XZTWTjRD4Y

— asel.minagawa (@AselMinagawa) November 30, 2019

Булак: NazarNews.kg