Министрлер кабинетинин төрагасы Улукбек Марипов Кыргызстандагы Казакстандын атайын жана ыйгарым укуктуу элчиси Рапиль Жошыбаевди кабыл алды. Бул тууралуу Министрлер кабинетинин басма сөз кызматы билдирди.

Жолугушуунун жүрүшүндө тараптар соода-экономикалык, маданий-гуманитардык жана башка чөйрөдөгү эки тараптуу кызматташтыктын актуалдуу маселелерин талкуулады. Казакстандын аймагы аркылуу жүк ташууну ишке ашыруучу кыргыз жүк ташуучуларынын унааларынын кыргыз-казак чек арасындагы тыгын бюнча маселесин чечүүгө өзгөчө көңүл бурулду.

Улукбек Марипов элчини Кыргызстандагы дипломатиялык ишинин башталышы менен куттуктап, жооптуу кызматтагы ийгиликтерди жана жемиштүү иш каалады, деп айтылат билдирүүдө.

Булак: NazarNews.kg