www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кожошев Арзыбек Орозбекович Кыргыз Республикасынын Өкмөтүнө караштуу Каржы рыногун жөнгө салуу жана көзөмөлдөө мамлекеттик кызматынын төрагасы болуп дайындалды. Тиешелүү буйрукка премьер-министр Мухаммедкалый Абылгазиев бүгүн, 4-декабрда кол койду.
Кожошев 2015-2017-жылдар аралыгында экономика министри болуп турган. Ал үстүбүздөгү жылдын май айында экономика министри болгон Санжар Мукамбетовдун ордуна келди.
Арзыбек Кожошев 1968-жылы 25-июнда Ош шаарында туулган. 1994-жылы Ош мамлекеттик педагогикалык институтун (азыркы ОшМУ), 2000-жылы Кыргыз мамлекеттик улуттук университетин артыкчылык дипломдору менен аяктаган. КРнын улуттук илимдер академиясынын аспирантурасын ийгиликтүү бүтүргөн.
Аймактык өнүгүү, каржылык-бюджеттик децентрализация жана бюджеттер аралык мамиле маселелери боюнча Австрия, АКШ, Литва, Япония, Венгрия, Чехия жана Латвияда стажировкалардан өткөн. Европа жана Азия өлкөлөрүнүн мамлекеттик жана жергиликтүү финансыны натыйжалуу башкаруу маселелери боюнча тажрыйбаларын үйрөнгөн.
Классикалык күрөш (грек-рим) боюнча спорттун мастери.
КРнын финансы-экономикалык кызматынын, бажы кызматынын, муниципалдык кызматтын мыктысы. Кыргыз Республикасынын эмгек сиңирген экономисти.
Yй-бүлөлүү. Эки баланын атасы.
Булак: NazarNews.kg
< Предыдущий
Следующий >
Последние новости
