Кыргызстанда жол куруу боюнча 13 ири долбоор ишке ашып жатат. Анын төртөө ар түрдүү себептер менен белгиленген мөөнөттөн артта калууда.

Депутаттар насыяга салынып жаткан жолдордун курулушу өз убагында бүтпөй жатканын сынга алып, өкмөттү ыкчам иштөөгө чакырышты. Ушуга чейин жол тармагына 2 млрд. доллардан ашык насыя алынса, анын 1 млрд. доллардан көбү Кытайдын Эксимбанкына таандык. Өкмөт эми аталган банктан 56 млн. доллар грант сураганы жатат.

Жогорку Кеңештин Транспорт, коммуникациялар, архитектура жана курулуш боюнча комитетинин 26-февралда өткөн жыйынында жол салуу боюнча 13 чоң долбоордун төртөө жай жүрүп жатканы белгилүү болду.

Булак: NazarNews.kg