Бүгүн, 19-мартта Кыргызстанга Кытайдан коронавируска каршы 150 миң доза «Синофарм» дарысы алынып келди.

Жүктү премьер-министр Улукбек Марипов, Кытайдын Кыргызстандагы элчиси Ду Дэвень, саламаттыкты сактоо жана социалдык өнүгүү министринин орун басары Ализа Солтонбекова тосуп алды.

Белгилей кетсек, буга чейин саламаттыкты сактоо жана социалдык өнүгүү министри Алымкадыр Бейшеналив 150 миң доза дары 75 миң кишиге жетерин айткан.

Саламаттыкты сактоо жана социалдык өнүгүү министрлиги калктын 75 пайызын эмдей турганын билдирген.

Sinopharm («Синофарм») — Кытайда биринчилерден болуп жактырылган коронавируска каршы вакцина. Азыркы тапта аны коңшу мамлекет кеңири колдонууда.

Булак: NazarNews.kg