Өнүктүрөлү, өстүрөлү дешпей, сатып кутулалы дешет

Журналист: NAZARNEWS

20.10.2018, 2:53

18556

саясат

Транспорт жана жолдор министри Жамшитбек Калилов 18-октябрда парламент жыйынында кыргыз мамлекетинин 2 авиакомпаниясы бар, аларга таандык 3 учактын бирөөсү гана уча алаарын билдирди. Министр өз сөзүндө: “Кыргыз мамлекетинин 2 мамлекеттик авиакомпаниясы бар. Алар: “Эйр Кыргызстан”, “ЭйрКейджи”. Азыр “Эй Кыргызстандын” бир учагы бар, ал 6 айдан бери оңдоодо жатат, аны оңдоого каражат жок.

Ал эми “ЭйрКейджиге” таандык Ту-154 борту учат, дагы бир учагы иштебейт. Биздин авиакомпаниялардын акцияларын чет өлкөлүк компанияларга сатуу боюнча сүйлөшүүлөр аягына чыкпай жатат. Биз үлүштү 75 пайызга чейин көтөрдүк. Азырынча жыйынтык жок”, – деп каңырык түтөттү.

Депутат Аалы Карашев жок дегенде ички каттамдарга учактарды алып, коопсуздук маселесин камсыз кылбаса, бүгүнкү күндө коркунуч бар экенин эскертти.

Өкүнүчтүүсү биздин жетекчилер кырдаалдан чыгуу деп баарын сатып кутулууну эңсешет. Өнүктүрүү, өстүрүү ойлоруна келбейт.

Булак: "Фабула"