Өзгөчө кооптондурууну жараткан өлкөлөр

Журналист: NAZARNEWS

13.12.2018, 21:19

31282

борбордук азия жаңылыктары

Жума башында АКШнын Мамлекеттик департаменти дүйнөдөгү дин тутуу эркиндиги боюнча баяндамасын жарыялады. Өзбекстан жаңы баяндамада “өзгөчө кооптондурууну жараткан өлкөлөрдүн” тизмесинен чыгарылган. Алар бул тизмеге 2006-жылы – өлкөдө дин тутуу эркиндигинин абалы начарлап, диний ынанымы үчүн миңдеген киши түрмөгө камалгандан кийин киргизилген. Өзбекстан Кытай, Эритрея, Иран, Мьянма, Түндүк Корея, Судан, Сауд Арабия, Тажикстан жана Түркмөнстан менен бир катарда жайгашкан.

Жаңы баяндамада Өзбекстан диний эркиндик принциптерин карманган өлкө катары дагы таанылган эмес. АКШ Өзбекстанды өкмөт үчүн атайын байкоого алына турган өлкөлөрдүн катарына кошту.

АКШ Мамлекеттик департаменти быйыл май айында Өзбекстанда дин тутуу эркиндигинин абалы оң нукка бурулганын кубаттап, бирок жараян өтө жай жүрүп жатканын белгилеген. Буга байланыштуу өлкө “диний эркиндикти чектеген” мамлекеттердин катарында калды.

Булак: NazarNews.kg