Укукчу жана коомдук ишмер Ахунбай Кошоев: Отуз жылдын ичинде сот менен жалпы эле тартип коргоо органдарын реформалоо боюнча канча демилге көтөрүлдү жана канча долбоор жазылып, кабыл алынды, бирок сот системасындагы өзүм билемдик дагы деле уланууда, анткени тартип коргоо тармагынын башында тургандар өздөрү мыйзам бузууда. Анткендер жазаланмайынча, коомдо эч качан тартип орнобойт. Мен эки эле мисал келтирейин – ички иштер министринин бир кезде орун басары болгон генерал Курсан Асанов түркиялык инвесторлордун миллиондогон доллар акчасын жеке кызыкчылыгында пайдаланып кеткен, ал эми Бишкектин Ленин райондук сотунун төрайымы Кымбат Архарованын күйөсү – атактуу жазуучу Качкынбай Осмоналиевдин кызынын үйүн тартып алып, аны үйсүз калтырууга аракеттенүүдө...