Бүгүн ажо баш болгон Коопсуздук Кеңешинин жыйынында президент Транспорт жана Жолдор министри Жамшитбек Калиловго катуу сын-пикир айтты. - Бүт дүйнөгө шылдың болуп отурабыз, 500 миң доллар пара алган эмне деген шумдук...  Майып балдарын караган апаларга болбогон акча бөлүп берсек, абдан кубанып жатышат. Жок дегенде убактылуу кызматтан кетип туруш керек болчу, тергөө амалдары бүткөнгө чейин, - деди өлкө башчы.

Эскерте кетсек, УКМК транспорт министринин орун басары Азимкан Жусубалиев 50 миң доллар пара менен кармалган.

Коррупцияга каршы күрөш кызматынын маалыматына ылайык, министрдин орун басары өлкө аймагындагы курулуп жатканжол боюнча тендерге катышкан чет элдик компаниянын өкүлдөрүнөн 50 миң доллар пара алган.

Жазгүл Урмамбетова, NazarNews.kg