Кыргызстандын ишке орноштуруу кызматында 90 миң 800 адам каттоодо туруп, анын 70 миң 100 адамынын расмий жумушсуз деген макамы бар.

Бул тууралуу Эмгек жана социалдык өнүктүрүү министри Улукбек Кочкоров маалымат жыйынында билдирди. Учурда өлкө боюнча ишке жарамдуу калктын – 2,5 млн. кишинин 2,8%ын жумушсуздар түзөт.

“Ишке орноштуруу кызматтарында жарыяланган жумуш орундарынын саны 24 миң 400дү түзгөн. Алардын ичинде жумушчу кесипке суроо-талаптар көп болгон. Тилекке каршы 5 миң 200 орун бош калган. Бир орунга 19 киши талапкер болгон”, – деди министр. Жыл башынан тарта ишке орноштуруу кызматтарына 147 миң 900 киши кайрылып, 24 миң 200 адам ишке орноштурулган.

Булак: NazarNews.kg