Финляндиялык окумуштуулар премиум-класстагы автоунаалардын айдоочулары жол эрежесин көп буза тургандыктарын аныкташты. Көбүн эсе ал унаалардын ээлеринин мүнөзү орой, текебер, эгоист болушат дешет анализ жүргүзгөндөр.

Андан сырткары, Хельсинки университетинин социалдык психология кафедрасынын профессору Ян-Эрик Леннквист көп ирет жол эрежесин бузгандардын унаасынын маркасы менен кызыгып көргөн. Көрсө, жол эрежесин бузгандардын басымдуу бөлүгү Audi, BMW жана Mercedesтин премиум-класстагы унаа ээлери болуп чыккан. Аны менен катар Леннквисттин кесиптештери дагы сурамжылоо жүргүзүп анын жыйынтыгы боюнча аталган үч марканын ээлери байма-бай жол чырактын кызыл түсүнө өтүп кетүүнү, жөө жүргүнчүлөргө орой мамиле жана жол белгилерин көңүлгө албай тургандыгы менен өзгөчөлөнүшкөн.

Булак: NazarNews.kg