Кызыл-Омпол менен Кой-Таштагы окуяларда катышкан адамдар Солтон-Сарыда да болушкан. Бул тууралуу Жогорку Кеңештин отун-энергетика жана кен иштетүү комитетинин жыйынында вице-премьер-министр Кубатбек Боронов билдирди.

Депутат Сагындык Келдибековдун “Бул атайын уюштурулган чыр-чатакпы” деген суроосуна, вице-премьер “антип айтуу үчүн далил жок” деп жооп берди.

Бирок, ал “Кызыл-Омпол менен Кой-Таштагы окуяларда катышкан адамдар Солтон-Сарыда да катышышкан. Алар эл алдына чыгып сүйлөшкөн. Телефон чалуулары да болгон, бирок азырынча бул тууралуу айтууга эрте”, -деп билдирди.

Бул билдирүүлөрдөн улам дагы бир нерсенин кулагы чыгып келе жатканы байкалат.

Булак: "NazarNews.kg"